可能係，全香港最多人用嘅羽毛球平台。
羽就，只為香港波友而設！開場、搵場、付款，一 App 搞掂，想打就有！
2026 年 10 月正式上線關於我哋
羽就有限公司（BadNiverse Limited）係一間喺香港註冊成立嘅有限公司，商業登記號碼 80926208。我哋同時擁有自己嘅球會——羽就 BadNiverse，喺 2026 年全港羽毛球雙打聯賽奪得多項獎項，成為全聯賽得獎最多嘅球會。
我哋做嘅嘢好簡單：整一個羽毛球一站式平台，取代傳統開場打波嘅方式。搵波打唔使再周圍問人，全港球局集中晒喺一個平台。
香港球友幾十年嚟都靠討論區、WhatsApp 群組、WeChat 群組同 Facebook 專頁搵波打。呢啲渠道各有限制——群組有人數上限、好多要人邀請先入到、資訊唔公開，大把人根本唔知邊度有場。我哋想將呢啲散落各處嘅方式整合埋一齊，一 App 睇晒：無論你係場主定係想搵波打嘅波友，都更快、更方便、更公開。
- 公司名稱
- 羽就有限公司 · BadNiverse Limited
- 商業登記號碼
- 80926208
- 註冊地
- 香港
- 旗下球會
- 羽就 BadNiverse
- 首階段範圍
- 球局配對與線上付款
- 正式上線
- 2026 年 10 月（iOS / Android）
散落各處嘅開場方式→一個公開平台
OUR VISION
想打就有，局局啱你。
全港球局集中喺一個平台，隨時開得到、搵得到；再按時間、地區同水平配對，唔使再試錯，局局都啱曬自己。
OUR MISSION
消除約波嘅摩擦
由開場、報名到收錢，一個流程完成。場主唔使再喺群組逐個追，波友唔使再問「仲有無位」。
杜絕飛機走數
以前有人臨時飛機，場主追到病都收唔到錢。喺羽就，報名嗰刻就要完成付款，付咗先算報名成功——場主唔會再蝕，波友都唔使夾錢。
公開透明嘅交易
實名審核、清晰退款規則、平台統一結算。就算係陌生人，都可以放心夾同一場波。
凝聚香港羽毛球社區
由波友到教練，再到球會，我哋想建立香港第一個真正連貫嘅羽毛球網絡。
App 功能預覽
第一版專注做好球局配對。以下功能將於 2026 年 10 月正式上線時提供。
一鍵開場
場主設定時間、場地、人數同每位費用，即刻公開招人。唔使再開群組，唔使再逐個問。
即時配對
睇晒附近所有公開球局，按時間、地區同水平篩選，揀啱就一 click 報名，名額即時更新。
即報即打
支援轉數快、PayMe 及 AlipayHK。付咗款先算報名成功——場主唔使再追數。
可信社群
場主實名審核、球局評價機制、平台統一結算，大幅減少甩底同走數，令每一場波都開得成。
品牌預熱
社群內容陸續推出，同時招募首批場主加入平台。
正式上線
iOS 及 Android 應用程式上架，球局配對功能全面開放。
功能擴展
教練預約、場地資訊及球技分級系統將陸續加入（分級表已可查閱）。
羽毛球水平分級表
8 個級別，由零基礎到比賽級。揀場、開波、配對之前，先搵返自己嘅位置。
企定定打，每人一邊。對羽毛球技術、球例同界線基本上一竅不通。
未識球例同正確握拍，亦未有走位概念，只能將球由己方中場打到對方中場。
略懂球例，有簡單步法。打得出高遠球（中場到中場）、吊球、殺球、放網，但動作同步法仍然粗糙。
掌握單／雙打基本模式同球例，高遠球可打到中後場，加入推球，單／雙打意識開始建立。
熟悉單／雙打模式、雙打補位同輪轉、攻防意識；高遠球到底線，平抽平擋齊備，但穩定性未夠。
所有羽毛球技巧都掌握，單／雙打走位熟練，攻守兼備，步法靈活；穩定性仍有進步空間。
所有羽毛球技巧純熟，落點同節奏控制穩定。
有豐富大型比賽經驗，技術、體能同戰術俱備。
羽總 = 香港羽毛球總會分級 自我評估參考 · 實際水平以現場對打為準
球會戰績
羽就 BadNiverse 球會喺 2026 年全港羽毛球雙打聯賽奪得四項殊榮，成為全聯賽得獎最多嘅球會。我哋唔止做平台，我哋自己都落場。
同年九月，我哋亦喺「新界鄉議局成立一百周年羽毛球大賽」南約分站賽奪得冠軍。
聯絡我哋
場地合作、教練加盟、球會合作、商業合作或者傳媒查詢，歡迎隨時搵我哋。